سراواندا مکتبه گئتمه‌ینلرین ایستاتیستیکاسی؛ ۵ ایله ۱۵ فایزدیر
2020ایران وایر
ایستاتیستیکالار، سیستان و بلوچیستان ایالتینده‌کی سراوان، سیب و سوران و مهرستان شهرلری‌نین فرقلی بؤلگه‌لرینده مکتب بوراخیلیشلاری‌نین سایی‌نین ۵ ایله ۱۵ فایز آراسیندا اولدوغونو و اکثريتی‌نین قیزلار اولدوغونو گوستریر.
بو ایالتین ملت وکیللریندن بیری اولان ملک فاضلی، بو شهرلرده بئله بیر فئنومئنین یارانماسینی اوچ فاکتورو اولاراق «موعلیم و تحصیل مکانی‌نین اولماماسی» و «دقتسیزلیک» آدلاندیردی.
فاضلی علاوه ائدیب «سراوانین بعضی بؤلگه‌لرینده آدام‌باشینا دوشن تحصیل ساحه‌‌‌سی ۱.۵ متر مربع‌دیر، اؤلکه‌ده ایسه اورتالاما ۵.۵ متر مربع‌دیر.»
او آرتیردی «اؤلکه‌نین بعضی یئرلرینده او قدر تحصیل ساحه‌‌‌سی یارادیلیب کی، ایستیفاده اولونمامیش قالیر. دیگر یئرلرده ایسه تحصیل ساحه‌‌‌سی‌نین اولماماسی سببیندن تحصیل آلماق مومکون دئییل.»
بو ملت وکیلی علاوه ائتدی «اؤنجه‌لری بلوچ بؤلگه‌لرینده اینسانلار قیزلارین تحصیل آلماسینا چوخ یاناشمیردیلار، آنجاق قیزلارین تحصیل وضعيتی گوندن گونه یاخشیلاشیر.»
