سالار طاهر افشار اورمیه مرکزی حبس‌خاناسی‌نین قرنطینه بندینه کؤچورولدو
آذربایجانلی مدنی فعال سالار طاهر افشار تانیدیقلاری ایله تلفون دانیشیغی زامان، هئچ بیر سبب و یا اؤنجه‌دن خبردارلیق ائدیلمه‌دن گنجلر بندیندن قرنطینه بندینه کؤچورولدویونو بیلدیردی.
بو آذربایجانلی فعال محکمه ضابیطلری طرفیندن ۳۰ فروردین ۱۴۰۰-ده آتاسی‌نین ائوینده توتولدو و بیر ایل حبس جزاسینی چکمک اوچون اورمیه مرکزی حبس‌خاناسینا کؤچورولدو.
بوندان اؤنجه بو آذربایجانلی فعالا ایلکین محکمه‌‌ده وئریلن ۴ ایللیک حبس حؤکمو، باتی آذربایجان تئمییز محکمه‌‌سی‌نین ۱۳ سایلی شؤبه‌سی طرفیندن بیر ایله حبسه ائندیریلمیشدیر.
داها اؤنجه‌ده سالار طاهر افشار، ۲۶ تیر ۱۳۹۹-دا جوما آخشامی گونو، ایکینجی قاراباغ ساواشی زامانی اورمیه شهری‌نین اطلاعات و گوونلیک پولیسینه (۹ پله) چاغیریلدیقدان سونرا توتولدو و ۳۱ تیر ۱۳۹۹-جو ایلده محکمه‌‌نین سونونا قدر ۵۰ میلیون تومن گیرووو قارشیلیغیندا مووقتی اولاراق سربست بوراخیلدی.
iranwire
