ساغلیق ناظری: ۱۴۰۳-جو ایلده دوغولانلارین سایی بیر میلیون نفرین آلتینا چاتیب
دموقرافیک چوخورا دوشمکدن ناراحات اولدوغونو بیلدیره‌رک، وورغولادی: “حاضردا ۱۳۹۵-جی ایلده‌کی ۲،۰۱-دن دوغورقانلیق ۱،۶۶ چاتیب و بو رقم ۱،۱ چاتارسا، اهالی چوخورونا دوشه‌جییک”.
تسنیمین یازدیغینا گؤره ساغلیق ناظری وورغولاییب: سورغولارا گؤره، ۱۴۰۳-جو ایلده تاریخده ایلک دفعه اولاراق ایراندا دوغوم سويه‌‌سی بیر میلیون نفرین آلتینا چاتاجاق کی، بو دا چوخ ناراحاتلیق دوغورور.
اونون سؤزلرینه گؤره، ایراندا باتی اؤلکله‌لریندن فرقلی اولاراق اهالی‌نین قوجالماسی گلیشمه سورجیندن اؤنجه باش وئریب.
ظفرقندی قئید ائدیب کی، “باشقا اؤلکه‌لر اؤنجه گلیشیب، سونرا ایسه اهالی‌نین آزالماسی ایله اوزلشیبلر، لاکین بیز بو سورجی کئچمه‌میشیک”.
او، اهالی ساحه‌‌‌سینده مؤوجود قانونلارا توخوناراق دئییب: “اهالی‌نین “گنجلر حاقیندا” قانونونا ساغلیق ساحه‌‌‌سینه عاید ۴۳ ماده داخیلدیر کی، بو دا نیکاحدا اولان جوتلوکلر، سونسوزلوق ایمکانلاری اولمایان جوتلوکلر اوچون یاتاق‌خانا دستیی، کرئدیتلرین وئریلمه‌سی کیمی دستکر واردیر. ”
ساغلیق ناظری دئییب: اهالی‌نین آزالماسی‌نین میلی بؤحران اولدوغونو قبول ائتسک، اهالی‌نین گنجلری اوچون مدنی دالغا یاراتماق اوچون قوروملارین مدنی و اقتصادی یاناشمالاری ديیشدیریلمه‌لی، بوتون یئتکیلیلر اوزرینه دوشن وظیفه‌‌‌لری یئرینه یئتیرمه‌لیدیرلر.
