ساغلیق ناظرلیگی: ایراندا هر ایل ۵۰ مین نفرین سیگار سببییله اؤلدویونو آچیقلاییب
ساغلیق ناظرلیگی‌نین چئوره و ایش ساغلاملیغی مرکزی‌نین رئیسی جعفر جندقی ۷ خرداد گونو ایراندا ۵۰ مین اینسانین بیرباشا سیگار چکمه‌سی سببیندن دونیاسینی ديیشدیگینی آچیقلاییب.
بوندان اؤنجه، ۳۰ اردیبهشت گونو توتونله موباریزه جمعيتی‌نین باش کاتیبی محمدرضا مسجدی ۱۳-۱۵ یاش آراسی قیزلار آراسیندا سیگار چکمه‌نین یوزده ۱۳۵ آرتدیغینی آچیقلامیشدی و دئمیشدی: اؤلکه‌ده توتوندن ایستیفاده ۹ و ۱۰ یاشا چاتیب و داها ناراحات‌ائدیجی گئدیشات اودور کی، اؤلکه‌ده هدف قروپون داها چوخ یئنی‌یئتمه قیزلار اولماسیدیر”.
بو محصوللارین اوستونده و آیریجا اجتماعی یئرلرده توتون اوچون گؤرسل رئکلامین قاداغان ائدیلمه‌سینه توخونان جندقی آرتیریب: ساتیجی‌نین آرخاسیندا اولان و گؤرسل چکیجی اولان بیر چوخ ماغازادا سیگار ساتیشی‌نین قاداغان اولدوغو یئرلردیر.
او، توپلومسال بیلگیلندیرمه‌نی و ایناندیرماغی توپلومدا سیگاری آزالتماق اوچون “بیرینجی سوتون” حساب ائدیب.
توتون محصوللاری اورتیجیلری، ایدخالچیلاری و ایخراجاتچیلاری بیرلیگی‌نین کاتیبی مصطفی کربلایی ۱۴۰۳-جی ایلین فروردینینده اعلان ائتدی کی، ایراندا تخمیناً ۹۰ میلیارد سیگار چکیلمیشدیر کی، بو دا صنعت، معدن و تیجارت ناظرلیگی‌نین ایلکین حسابلامالاریندان ۲۰ میلیارد چوخدور.
خرداد آیینین ۵-ده ساغلیق ناظری‌نین معاونی حسین فرشیدی سیگارین “چوخ ضررلی” آدلاندیریب و اونون وئرگیسی‌نین ۴ قات آرتیریلماسینی طلب ائدیب.
