ساری داش شهری‌نین ۱۰۰ کندی سو سیخینتیسی‌ایله اوزلشیب
ساری داش فرمانداری چارشنبه گونو گونورتادان سونرا ایالت یئتکیلیلری ایله گؤروشده دئییب: ایستیلیک مؤوسومونون باشلاماسی و الکتریکلرین کسیلمه‌سی ایله بیز شوبهه‌سیز کی، بو شهرده سویون آزالماسی ایله اوزلشه‌جییک کی، بو دا کندلرده داها چوخ پروبلئم یاراداجاق.
او، داوام ائتدی: کندلرین ایچمه‌لی سو ایله تعمین ائتمک و سو گرگینلیگینی آرادان قالدیرماق اوچون بو شهره محرومیت اعتبارلاری و باشقا قایناقلاردان ۵۸۰ میلیارد ریال آیریلیب.
بو گؤروشده ملکاری بؤلکه‌سی و میرآباد شهر چرکاب سوتمیزلییجی قورغولاریندا آراشدیرمالارا باشلانیلماسی، سو آنبارلاری‌نین تیکینتیسی گئدیشاتی‌نین سرعتلندیریلمه‌سی، بو شهره بئش کیلومتر سو‌اؤتوروجو بورولارین آیریلماسی، بخشداری‌نین آرخاسینداکی اراضیده ایچمه‌لی سو پروبلئمی‌نین حلی و ساری داش سوتمیزلییجی قورغوسوندان ملکاری بؤلگه‌سینه سو نقلی خطی‌نین چکیلمه‌سی اونایلاندی.
#آذربایجان_خبرلری #سو_بؤحرانی
