زنجانلی والیدئینلرین اوخول قارشیسیندا کئشیک چکمه‌سی
ایران‌وایرین الده ائتدیگی گؤرونتولره گؤره زنجان اوخوللاریندان بیرینده اؤیرنجیلرین والیدئینلری اوخول چئورسینده و ایچینده کئشیکلر حیاتا کئچیره‌رک اؤیرنجیلری کیمیاسال سالدیریلاردان و اؤیرنجیلرین زهرلنمه احتیمالیندان قورویوبلار.
آرتیق بیر نئچه آیدیر کی، هئچ بیر آچیقلاما وئریلمه‌دن اؤلکه‌نین هر یئرینده اؤیرنجی قیزلارین آردیجیل زهرلنمه‌لری داوام ائدیر. بو، رسمی قوروملارین بونونلا باغلی آیدین بیر آچیقلاما وئرمه‌مه‌سی عائله‌لرین قایغیلارینی آرتیریب و عائله‌لرین اؤزلری حرکته کئچه‌رک اؤز اوشاقلارینی قوروماق اوچون تدبیرلر گؤرمه‌یه باشلاییبلار.
سون بیر هفته ایچینده آذربایجانین چئشیدلی شهرلرینده اؤیرنجیلرین کوتلوی زهرلنمه‌سی خبرلری آرد آردا یاییلیر.
ایران اوخوللارینا کیمیاسال سالدیریلار تخمیناً ۵ آی اؤنجه قوم شهرینده باشلاییب، بو زامانا قدر ۵ میندن چوخ اؤیرنجی زهرله‌نیب و طب مرکزلرینه آپاریلیب.
