ریحانه طراوتی گیروو قارشیلیغیندا سربست بوراخیلیب
خانیم طراوتی حبس ائدیلدیکدن سونرا اونون اطلاعات ناظرلیگی‌نین نظارتی آلتیندا اوین حبس‌خاناسی‌نین ۲۰۹-جو بندینده ساخلاندیغی بللی ائدیلنه قدر اونون هارادا اولماسی باره‌ده هئچ بیر بیلگی یوخ ایدی.
ایسلام جمهورییتی‌نین محکمه سیستمی ریحانه طراوتی‌نین حبسی‌نین سببلری ایله باغلی سسسیز قالیب. بونونلا بئله، خانیم طراوتی گوونلیک گوجلری‌نین آزی ۱۰ ایرانلی بلگه‌سل یؤنتمنی‌نین ائولرینه باسقین ائتدیگی، اونلارین بیر چوخ آلتلری‌نین موصادیره ائدیلدیگی و مینا کشاورز و فیروزه خسروانی آدلی ایکی بلگه‌سل یؤنتمنی‌نین حبس ائدیلدیگی بیر واختدا حبس اولوندو.
مینا کشاورز و فیروزه خسروانی حبس اولوندوقدان بیر نئچه گون سونرا مووقتی اولاراق سربست بوراخیلیبلار.
ریحانه طراوتی‌نین مدنی فعالیتینه گلینجه، او، سینما و تئاتر ساحه‌‌‌سینده قادینلارا قارشی شدته اعتراض ائدن آچیقلامانی ایمضالایانلاردان بیری اولوب.
بو مدنی فعال داها اؤنجه ۱۳۹۳-جو ایل ۳۰ اردیبهشتده هپی آدلی ماهنی‌نین ایران وئرسییاسی‌نین یاییملانماسیندان سونرا بیر قروپلا بیرلیکده حبس ائدیلمیشدی و بیر نئچه هفته سونرا سربست بوراخیلمیشدی.
#ایران_خبرلری #مدنی_فعال
