روحانی: کرونا و ترامپ اولماسایدی، دلار ۵ مین تومندن آشاغی اولاردی
ایران جمهورباشقانی حسن روحانی آمریکانینن کئچمیش جمهورباشقانی دونالد ترامپی “ویروس” آدلاندیردی و اونو کرونا ایله بیرلیکده تورم و ایراندا دلارین باهالاشماسیندا گوناهلاندیردی.
روحانی ۹ تیر ۱۴۰۰-جو ایل چارشنبه گونو کابینه توپلانتیسیندا ترامپ و کرونا اولماسایدی، دلار قیمتی‌نین ایندی 5 مین تومندن آشاغی اولاجاغینی و توروم سويه‌‌سی‌نین یوزده ۱۱.۵ اولاجاغینی ادعا ائتدی.
“ ایران رادیو و تلویزیون قورومونون خبر آژانسی‌نین وئردیگی بیلگیلره گؤره، روحانی چیخیشینا بئله داوام ائدیب: “بو ایکی ویروس اولماسایدی، حِسابلامالاریمیز گؤستریر کی، قئیری-نفت اقتصادياتیمیز یوزده ۴.۱، نفت اقتصادياتی ایسه یوزده ۸.۳ بؤیودو.”
او آیریجا ادعا ائتدی: “حاضردا اؤلکه‌ده اورتالاما توروم نیسبتی یوزده ۳۲-دیر و بو ایکی ویروس اولماسایدی، بو اوچ ایل یاریمدا تورموموز یوزده ۱۱.۵ اولاردی.”
جمهورباشقانلیغی‌نین سون هفته‌لرینده اولان حسن روحانی، اؤلکه‌نین اقتصادی آرتیمی‌نین حاضردا منفی اولدوغونو اعتراف ائده‌رک دئدی: “بو ایکی ویروس اولماسایدی، اؤلکه‌نین یاتیریم آرتیمی یوزده ۷.۴مثبت اولاردی و اؤلکمیزین عومومی داخیلی محصولو مؤوجود رقمدن یوزده ۲۲ داها یوکسک اولاردی.”
حسن روحانی‌نین بو آچیقلامالاری، دونالد ترامپین جمهورباشقانلیغی دؤوروندن بری بیر نئچه آیین سونوندا ایراندا دلار قیمتی‌نین چوخ ديیشمه‌دیگی و اقتصادی سایتلارا گؤره تخمیناً ۲۵ مین تومنله آلینیب ساتیلدیغی بیر واختا تصادوف ائدیر.
iranwire
