رامین قشقایی ۶ ایل حبس و ایکی ایل سورگونه محکوم ائدیلیب

ایران‌وایرین الده ائتدیگی بیلگیلره گؤره، کئچمیش سیاسی محبوس رامین قشقایی ۶ ایل حبس ۲ ایل سیستان و بلوجیستانین نیک‌شهرینده سورگونه محکوم ائدیلیب.

۲۱ اسفند ۱۴۰۱-جی ایلده جناب قشقایی ائوینه باسقین ائدن مامورلار طرفیندن حبس ائدیلدی و ۳۰ گون چوبیندر حبس‌خاناسیندا بیر نفرلیک هوجره‌ده، ۱۱ گون ایسه اطلاعاتین تجرید‌خاناسیندا سورغو-سؤال و ایشگنجه‌لره معروض قالدی.

قزوین اینقیلاب محکمه‌‌سی‌نین حاکمی اسماعیل اسدی‌نین باشچیلیق ائتدیگی ۱ سایلی شؤبه‌سی بو محبوسو محکمه‌‌ده تحقیر و هده‌له‌دیکدن سونرا اونا ان آغیر جزانی تعیین ائدیب. رامین قشقایی حاضردا بیر میلیارد گیروو قارشیلیغیندا آزادلیغا بوراخیلیب.

مهسا امینی‌نین اؤلومونون ایل‌دؤنومو یاخینلاشدیغی بیر واختدا اعتراضچیلارا آغیر جزالار وئریلیر و حؤکومت بو قرارلار ایله اعتراضلارین یئنیدن قیزیشماسی‌نین قارشیسینی آلماغا چالیشیر.