رامهرمزداکی اؤیرنجیلرین آردیجیل اینتیهاری
خوزیستان ایالتینده رامهرمزلی یئنی‌یئتمه اؤیرنجیلر آراسیندا باش وئرن آردیجیل اینتیهار خبرلری توپلومدا ناراحاتلیق دالغاسی یاراتدی.
عصر جنوب خبر شبکه‌سی ایالتین موخبیرلریندن اولان فردین آذریانا ایستناداً رامهرمزده ۱۵ یاشلی بیر قیزین جیب تلفونو اولمادیغی اوچون اؤزونو آساراق اینتیهار ائتدیگینی سؤیله‌دی.
یئرلی خبر آژانسلارینا گؤره، بو بیرمعنالی اینتیهاردان اؤنجه سون بیر آیدا شهرده‌کی اؤیرنجیلر آراسیندا بئش اوخشار اینتیهارلار اولوب.
رامهرمزائیتیم ایداره‌سی‌نین مودورو، “عائله موباحیثه‌لری، اؤن‌یارغی، یاشام شرطلرینه اولان ایستکلره جاواب وئرمه‌مک” کیمی دوروملاری بو آجی حادثه‌‌‌نین سببلری اولاراق گؤستردی.
رحیم رستمی، ۲۷ مین رامهرمزلی اؤیرنجیدن آزی ۴ مین اؤیرنجی‌نین یئنی ائیتیم ایلینده ائیتیمینی داوام ائتدیرمک اوچون جیب تلفونونا صاحب اولمادیقلارینی سؤیله‌دی.
رامهرمز ائیتیم ایداره‌سی‌نین مودورو آیریجا آچیق شکیلده بیلدیردی کی، قیز اؤیرنجیلردن بیری‌نین اینتیهار ائتمه‌سینه سبب، عائله‌‌‌نین اؤ‌ن‌یارغیلاری و یئنی‌یئتمه‌نین ائیتیمی‌نین داوام ائتدیرمه‌سی‌نین قئیری-مومکونلویو سببیندن جیب تلفونو وئرمه‌سینه قارشی چیخماسیدیر.
