دولو اهرده اونلارلا کنده زیان ووردو
سون بیر نئچه گونده دوغو آذربایجان ایالتی‌نین اهر شهرینده ان آز ۲۷ کند گوجلو یاز یاغیشلاری و گوجلو دولو سببیندن ضرر گؤردو.
دونن جوما آخشامی ۶ خرداد، گوجلو یاغیش سببییله شهرده‌کی ان آزی ۵۰ یاشاییش ائوی و بیر نئچه کؤچری چادیر ضرر گؤردو و سو آلتیندا قالدی.
وطنداش ژورنالیستلر طرفیندن ایران‌وایره گؤندریلن شکیل و ویدئولاردا: دولو فیرتینالاری، اهر شهرینده اکین و باغلارین بؤیوک بیر حیصه‌‌‌سینه زیان ووروب. بیر نئچه کندده باش وئرن داشقینلار کندلیلرین ائولرینی داغیدیب و مال حئیوانلارینی تلف ائدیب. اهر شهرینده ده داشقینلار آخینلارین توتولماسینا سبب اولوب و وطنداشلارین اتومبیللرینه ضرر وئریب.
دوغو آذربایجان ایالتی‌نین بؤحران ایداره‌ائتمه معاونینین وئردیگی بیلگیلره گؤره، اهر شهرینده‌کی داشقینلار ایتکی وئرمه‌دی، لاکین یالنیز یوخاری و آشاغی نقاره‌کوب کندلرینده ۱۵۰ باش آغیر باش و کیچیک باش حئیوان تلف اولوب.
اهر اکینچیلیک ایداره‌سی‌نین مودیری دا مئدیایا وئردیگی موصاحیبه‌ده دئدی: دولو و داشقینلار، اهر شهرینده‌کی اکینچیلیک، باغچیلیق و حئیواندارلیق ساحه‌‌‌سینده‌کی ۲۷ کنده جدی زیان ووردو، بونلار هرطرفلی و اوزمان گؤروشو ایله ضررین میقداری و حجمی و ریال اولاراق میقداری تخمین ائدیله‌رک آچیقلاناجاق.
iranwire
