دوغو آذربایجان کرونا آشیسی چاتیشمازلیغی ایله اوزلشیب
تبریز طب علملری بیلیم‌یوردونون ساغلاملیق اوزره معاونی سؤیله‌دی: صحیه ناظرلیگی‌نین کرونا آشیسی گؤندره‌جکلرینه دایر وعدینه باخمایاراق، ایالت هله ده آشی چاتیشمازلیغی ایله اوز -اوزه‌دیر.
مطبوعات کونفرانسیندا عباسعلی درستی، صحیه ناظرلیگی‌نین سون گونلرده ایالتلره گؤندریلن آشیلارین سایینی آرتیراجاغینا دایر وئردیگی خوش وعدلره باخمایاراق، تأسف کی، بو ایش بو گونه قدر باش وئرمه‌دی و حاضردا دوغو آذربایجاندا برکت و سینوفارم واکسنلری‌نین ایکینجی دوزو واردیر.
او بیلدیردی: استرازینکا و اسپوتنیک آشیلاری‌نین ایکینجی دوزونو هله آلمامیشیق و ایالته چاتدیریلان آشیلارین سایی باشوورو و وورولان آشی سرعتینیدن آزدیر.
او دوغو آذربایجاندا خسته‌خانایا یئر‌لشدیریلمه، اؤلوم، یئنی حادثه‌‌‌لر و آیاق اوستو خسته‌لری‌نین سایی‌نین آرتماسی‌نین داوام ائتدیگینه توخوناراق، آرتیردی: “تأسف کی، دونندن اعتباراً اسکو و کلیبر شهرلری ده ایالتین قیرمیزی شهرلرینه علاوه ائدیلدی.”
درستی داوام ائتدی: ایالت اهالیسی‌نین یوزده ۹۵-دن چوخو قیرمیزی شهرلرده یاشاییر و اهالی‌نین تخمیناً یوزده اوچ -دؤردو ده نارینجی اولان ورزقان، خداآفرین، هوراند و چاراویماق شهرلرینده یاشاییر.
iranwire
