دنیز زنوزی تبریز اطلاعاتینا چاغیریلیب
تورک مدنی فعال دنیز زنوزی تلفون دانیشیغی ایله تبریز اطلاعات ایداره‌سینه چاغیریلیب و بیر نئچه ساعتلیق سورغو-سؤالدان سونرا سربست بوراخیلیب.
گوونلیک گوجلری خانیم زنوزی‌‌یه بیلدیریبلر کی، بوندان سونرا سانال اورتامدا اورمیه گؤلو حاققیندا فعالیت گؤسترمک و ایشیقلاندیرماق حاققی یوخدور و عکس حالدا حبس اولوناجاغینی بیلدیریبلر.
اورمیه گؤلونون دورومو کریتیکلشدیکجه فعاللارا قارشی چاغیریش، تهدید و حبس دالغاسی دا آرتیب.
چئوره ساحه‌‌‌سینده اوزمانلارین فیکرینجه، اورمیه گؤلونون قوروماسی بو اراضی‌نین ۱۴ میلیوندان چوخ ساکینی‌نین حیاتینی تهلوکه آلتینا قویوب و بو اراضی ساکینلری‌نین مجبوری کؤچونه سبب اولاجاق.
اکولوژی اوزمانلارین فیکرینجه، اورمیه گؤلو اطرافیندا توز و آکتیو دوز فیرتینالاری ۵۰۰ کیلومتره قدر مسافه‌‌نی قت ائده بیلر.
