داود کابالی اورمیه مرکزی حبس خاناسیندا بلیرسیز دورومدا ساخلانیلیر
بو آذربایجانلی فعالین یاخینلاری اورمیه شهری عومومی و اینقیلاب ساوجیلیغی‌نین ۶-جی شؤبه‌سینه چوخ‌سایلی گئتمه‌لری زامانی پرونده‌نین موستنطیقی محب علیزاده قرار قبول ائتمکدن و اونو سربست بوراخماقدان ایمتینا ائدیر.
آیریجا، جناب کابالی داخیلی قاناخما ایله پروستات خسته‌لیگی‌نین تکرارلانماسی ایله اوزلشیب و موعالیجه و طبی یاردیما احتیاجی وار.
داود کابالی ۴ آبان ۱۴۰۱-جی ایل چارشنبه گونو اعتراض توپلانتیسیندا حبس ائدیله‌رک دؤیولدو و ۹ آباندا اطلاعات و گوونلیک پولیسی تجرید‌خاناسیندان اورمیه مرکزی حبس‌خاناسینا کؤچورولدو.
عومومی اعتراضلار باشلایاندان بو گونه قدر آذربایجان شهرلرینده یوزلرجه اعتراضچی حبس ائدیلیب و اونلارلا وطنداش گوونلیک گوجلری طرفیندن اؤلدورولوب.
حبس اولونان اعتراضچیلارین دورومو و آدلاری حاقیندا دقیق بیلگی یوخدور و اونلارین ساغلاملیق دورومو توپلومدا ناراحاتلیق یارادیب.
#عومومی_اعتراضلار
