داها بیر اهوازلی گنج پولیسین آچدیغی آتش سونوجوندا اؤلدورولوب
اهوازداکی اینسان حاقلاری قایناقلاری‌نین وئردیگی بیلگیلره گؤره، ۳ اسفند ۱۴۰۱، چارشنبه گونو آخشام ساعتلاریندا اهواز شهری‌نین لشکر آباد بؤلگه‌سی‌نین ساکینی، ۲۶ یاشلی حسن زهیری آدلی گنج باشیندان گولـله ایله وورولاراق دونیاسینی ديیشیب.
حادثه شاهیدلری‌نین سؤزلرینه گؤره، ایشدن ائوه موتورسیکلئتله گئدن حسن زهیری پولیس قوه‌لری‌نین دایانما امرینی حیس ائتمه‌ییب و پولیسلردن بیری خبردارلیق ائتمه‌دن اونا دؤیوش سلاحی ایله آتش آچیب و باش ناحیه‌‌سی‌دن دین گولـله بو گنجین اؤلومونه سبب اولوب.
سون آیلاردا و چئشیدلی شهرلرده عومومی اعتراضلارلا عینی واختدا، اهواز شهری اعتراض مرکزلریندن بیری اولوب و بو شهرده چوخلو سایدا اعتراضچی نومایشلر زامانی گوونلیک گوجلری طرفیندن اؤلدورولوب.
بونونلا بئله، جناب زهیری‌نین اؤلدورولمه‌سی سون هفته‌لرده کوچه اعتراضلاری‌نین آزالدیغی بیر شرایطده باش وئریر.
