خیابانلاردا ایشله‌مک اوچون اوشاقلاری ایجاره‌یه وئریرلر
بعضی اوشاقلار کئچیدلر و خیابانلاردا پول قازانماق اوچون عائله‌‌‌لری طرفیندن ایجاره‌یه وئریلیر.
اؤلکه‌نین ریفاه تشکیلاتی‌نین سوسیال مسئله‌‌لر اوزره معاونی حبیب‌الله مسعودی، بو خبریآچیقلایاراق دئدی «البته کی، بو ایشلر اوشاق زوراکیلیغیدیر و قانون پوزونتوسو حساب اولونور.»
مسعودی آرتیریب «عائله‌‌‌نین اوشاغینی قبول ائتمک صلاحیتی یوخدورسا، اوشاق محکمه اورقانلاری‌نین امری ایله ریفاه تشکیلاتی مرکزلرینه تحویل وئریله‌جک.»
او اوشاقلار اوچون کیرایه حاقینین میقداری باره‌ده ده «فرقلی رقملر و فرقلی مدللر وار» دئدی.
ایشله‌ین اوشاقلار ایرانین بؤیوک شهرلرینده سوسیال پروبلئملردن بیرینه چئوریلیب. رسمیلر بو اوشاقلارین 80 فایزدن چوخونون خاریجی وطنداش اولدوقلارینی سؤیله‌ییرلر.
اوشاق حوقوقلاری فعاللاری ایللردیر بو اوشاقلارین آجیناجاقلی وضعيتینی حل ائتمه‌یه چالیشیرلار، لاکین سایی هر گون آرتیر.
عائله‌‌‌لرین یوخسوللوق و ایشسیزلیگی ایراندا ایشله‌ین اوشاقلار فئنومئنی‌نین یاییلماسی‌نین ان واجیب عامللریندن بیری اولاراق قئید اولونور.
