خوی شهرینده ۵.۴ گوجونده زلزله باش وئریب
اؤلکه‌نین سئیسمولوژی مرکزی‌نین وئردیگی بیلگیلره گؤره، بو گون، چارشنبه گونو، ۲۸ دی ساعت ۱۳:۱۹-دا باتی آذربایجان ایالتی‌نین خوی شهرینده ۵.۴ گوجونده زلزله باش وئریب؛ بو زلزله ۱۳ کیلومتر درینلیکده قئیده آلینیب.
اؤلکه‌نین بؤحران ایداره‌ائتمه تشکیلاتی‌نین رئیسی محمدحسن نامی خیدمت گؤسترن قوروملار و یاردیم گوجلری‌نین حاضرلیق دوروموندا اولدوغونو آچیقلاییب.
او آرتیریب: خوی شهرینده مومکون ضررین میقدارینی آراشدیریریق و بیر نئچه ساعت ایچینده بیلگی وئریله‌جک.
فرقلی رملر اعلان ائدیلسه‌ده تهران بیلیم‌یوردونون سئیسمولوژی مرکزی‌نین اعلانینا اساساً، باتی آذربایجانین خوی شهرینده ۵.۴ گوجونده، یئرین 12 کیلومتر درینلیگینده زلزله باش وئریب.
بو زلزله بو گون گونورتا ساعتلرینده باش وئریب.
آلینان رسمی اولمایان بیلگیلره گؤره ایندیه قدر ۱۲۰ نفر یارالانیب.
