خوی شهرینده حبس ائدیلمیش محبوسلاردان مستانه زینال زاده نین کیملیگی سربست بوراخیلدیقدان سونرا بللی اولوب

خانیم زینال‌زاده‌نین یاخینلاری‌نین ایفاده‌لرینه گؤره، اونون حبسی عمامه دوشورمک ایله باغلی اولوب و اونا رهبری تحقیر ائتمک و خالقا آچیق مکاندا حجابی‌نین چیخاریلماسی اتهاملاری اولاراق آچیقلانیب.

سون آیلاردا آذربایجانین شهرلرینده محبوسلارین چوخلوغو و عائله‌‌‌نین بیلگی سیزلیگی و بیلگی وئرمک قورخوسو بیر چوخ محبوسلارین خبرلرین وئریلمه‌سینه انگل اولوب. آیریجا بو محبوسلارین اوزون مدت تضییقلره، ایشگنجه‌لره و قانونسوز حبسلره معروض قالماسینا سبب اولوب.
#عومومی_اعتراضلار