خوی دا 5.4 گوجونده باش وئرن زلزله
باتی آذربایجانین خوی شهرینده ۵.۴ گوجونده زلزله باش وئریب، تبریزده و شرقی آذربایجانین بیر سیرا دیگر شهرلرینده حیسّ اولونوب.
تهران بیلیم‌یوردونون ژئوفیزیک انستیتوسو دوغو آذربایجان شهرلرینده، اؤزللیکله‌ده ده تبریزده قورخویا سبب اولان بو زلزله‌‌‌نین باتی آذربایجان ایالتی‌نین خوی یاخینلیغیندا باش وئردیگی یئری آچیقلاییب.
تعجیلی طبی یاردیم تشکیلاتی‌نین سؤزچوسو بیلدیریب کی، ایندییه‌دک ۲۳۵ نفر یارالانیب و یارالانان وطنداشلار خوی خسته‌خاناسیندا موعالیجه اولونوب.
باتی آذربایجان والیلیگی‌نین بؤحران ایداره‌ائتمه باش مودیری‌نین وئردیگی بیلگیلره گؤره، بو زلزله هئچ بیر اینسان تلفاتی و یاشاییش یئرلرینه جدی زیان وورماییب.
جعفری آرتیردی: بیر نئچه کندده یاشاییش ائولری‌نین دیوارلاریندا چاتلار باش وئریب.
سیسمولوژی مرکزی بیلگی یاییب: ایندییه‌دک ایواوغلو و خوی‌دا زلزله سونوجوندا ۲۰-دن چوخ یئرآلتی سیلکله‌مه باش وئریب.
#آذربایجان_خبرلری #زلزله
