خلخال۲۲% ایشسیزلیک ایله ایالتده بیرینجی سیرادادیر
خالخال فرمانداری دئدی: یوزده ۲۲ ایشسیزلیک سويه‌‌سی ایله خالخال ایالتده‌کی ان چوخ ایشسیز اینسانا مالیکدیر.
سید جواد یحیی‌زاده جوما آخشامی گونورتا خالخال مشغوللوق شوراسی‌نین ایجلاسیندا یاردیم کومیته‌سی‌نین پروقراملارینا دقت چکرک دئدی: بو شهر ایالتین ان ایشسیز و محروم شهریدیر و ایشسیزلیک نیسبتی یوزده ۲۲-دیر و ایالتده‌کی اورتالاما ایشسیزلیکدن یوزده ۱۰ چوخدور.
او، ایشسیزلیگین آرتماسی‌نین سوسیال ضررلرله باغلی اولدوغونو وورغولادی و دئدی یئتکیلیلرین گیریشیمی ایله بیر چوخ گنج اوچون مشغوللوق ساحه‌‌‌سی یارادیلاجاق.
فرماندار آرتیردی: ایشسیزلیک سويه‌‌سینی آزالتماق اوچون مجلیس طرفیندن تصدیق ائدیلمیش وسایطین آیریلماسی، اؤزللیکله ده بو شهرده‌کی یاردیم کومیته‌سی و ریفاه تشکیلاتی کیمی یئرلرین بودجه‌سی ان قیسا زاماندا حیاتا کئچیریلمه‌لیدیر.
یحیی‌زاده بیلدیردی کی، حاضردا ۲۷۰۰ عائله، او جومله‌‌‌دن ۱۰ میندن چوخ اینسان خالخالدا یاردیم کومیته‌سی‌نین احاطه‌‌‌سینده‌دیر و بو تشکیلاتدان موختلیف تور دستکلر، او جومله‌‌‌دن آیلیق اؤده‌نیشلر، موعالیجه خرجلری، ایمکانسیز شخصلر اوچون منزیل و باشقا یاردیملار وئریلیر.
خالخال شهری‌نین فرمانداری ایسلام اینقیلابی منزیل وقفی طرفیندن خالخالدا ایمکانسیزلار اوچون ۵۸ یاشاییش بیناسی‌نین تیکیلدیگینی دقته چاتدیریب و داوام ائدیب: خالخالین شهر و کند یئرلرینده تیکیلمکده اولان عومومی تیکیلیلردن ۴۲ عددی بو ایل ۳ خرداد دا ایمکانسیز عائله‌‌‌لره تحویل وئریله‌جک.
#آذربایجان_خبرلری #ایشسیزلیک
