خدانور لجه‌ای‌نین دوستو اوزون مدت حبس و سورگوندن سونرا مرخصی‌یه گؤندریلیب
سیستان و بلوچیستاندان اولان خبر قایناقلارینا گؤره، بیر شهریور ۱۴۰۳-ده زاهیدان اعتراضلاری زامانی محبوسلاردان بیری اولان “حسین کاشانی اصل” و “خدانور لجه‌ای‌نین” دوستو تخمیناً ایکی ایله یاخین حبس و سورگوندن سونرا مرخصی‌یه گؤندریلیب.
۹ مهر ۱۴۰۱-ده زاهیداندا کئچیریلن قانلی جوما اعتراضلاریندان سونرا حسین کاشانی زاهیدان اطلاعات قوه‌لری طرفیندن حبس ائدیلدی و “موحاریبه و یئر اوزونده و فساد تؤرتمک” اتهامی ایله اردبیل زیندانیندا ۱۰ ایل سورگونه محکوم ائدیلدی و “دوزنی پوزماق” اتهامی ایله ۳ آی جبسه محکوم ائدیلدی.
حال وش سایتی‌نین راپورونا گؤره، جناب کاشانی اردبیل حبس‌خاناسیندا سورگونده اولدوغو ۶۹۱ گون حبسدن سونرا ۱۰ گونلوک مرخصی‌یه گؤندریلیب.
زاهیدانین کریم‌آباد بؤلگه‌سی‌نین ساکینی اولان بو ۲۹ یاشلی سیاسی محبوس ۹ مهر گونو زاهیداندا نومایشلر زامانی اطلاعات گوجلری طرفیندن حبس ائدیلدی و آغیر ایشگنجه‌لره معروض قالدی.
قئید ائدک کی، ۱۴۰۱-جی ایلین آذر آییندا اونون سیاسی اسپونسورلوغونو آلمانییا مجلیسی‌نین عضوو “کاترین اشتافلا” و استرالیا مجلیسی‌نین ایکی عضوو “کیث ولاهان” و “آرون ویولی” اؤز اوزرینه گؤتوروب.
زاهیداندا عومومی اعتراضلار زامانی یوزدن چوخ اینسان اؤلدورولدو، یوزلرله اینسان حبس ائدیله‌رک عدالتسیز و آغیر جزالارلا حبس‌خانایا گؤندریلدی.
