حبیب ساسانیان:خوروزون قویروغو (اورانیوم) گؤروندو (اورمو گؤلو بیله‌رک‌دن قورودولور)
یادینیزدا اولسا، دوز بیر هفته بوندان اؤنجه، یعنی تیر آیی‌نین ۲۸-ی جولایین ۱۹-و ایله برابر ( «زاب» سو؛ یوخسا «اورانیوم» تونئلی ) باشلیقلی بیر مقاله پایلاشدیم.
او مقاله‌ده فاکتلارا دایاناراق، «زاب» یاخود «کانی‌سیب» دئییلن اصلینده «قالابَییم» تونئلینین آچیلیشی‌نین یوباندیریلماسین، تکنیکال چاتیشمازلیقلاردان دولایی دگیل، اورادا سپاه پاسداران تشکیلاتی‌نین اورانیوم استحصالی اوزره گیزلین ایشلریندن قیساجا بیلگیر پایلاشدیم.
همن مقاله نین سونوندا بئله بیر سورغو ایله ایران حاکمیتی‌نی چیخیلماز وضعیت ده قویدوق.
:« و سوندا: گئرچک‌دن زاب تونئلینده سودان باشقا، هر هانسی گیزلین ایشلر گؤرولمور سه، یوباندیریب شوبهه‌لی آثاری تمیزله مه دن، یئرلی و خاریجی مئدیالارا ایزین وئرسینلر کی، گونو سحردن، تونئلین باشدان – باشاسیندان گؤرونتولو چکیلیش ائده‌رک توپلومون اینامینی قازانسینلار. عکس حالدا بیزیم ادعالاری، داها دا تصدیقله‌مک دئمکدیر».
بو مقاله‌یه سانجاقلانمیش آرخافونداکی شکیل دن ده گؤردویونوز کیمی، ایکی گون سونراسی، یعنی ۰۱ مرداد ۱۴۰۱ تاریخینده ایرانین رادیو تلویزیون خبر آژانسی (خبرگزاری صداوسیما) کریم شیبانی یه استناد ائده‌رک یازدی:« علت تاخیر در بهره برداری از تونل انتقال آب به دریاچه ارومیه
مدیرعامل شرکت توسعه منابع آب و نیروی ایران گفت: ترک خوردگی‌های متعدد تونل انتقال آب به طول ۷۵۰ متر، انتقال آب به دریاچه ارومیه را متوقف کرده است».
و خالا خطیرین قالماسین دئیه، سانکی تونئلین ایچینده بیرخانم راپورچونون (گزارشگر) واسطه‌سی ایله اونون آرخاسیندا تاوان‌دان (سقف‌دن) سولار سیزارکن جمعی – جومله‌تانی 24 ثانیه لیک بیر ویدئو گؤرونتو یایدی!
بونو نظره آلاراق کی، من بیرینجی مراجعتیمده سوألی بئله وئرمیشدیم: « یئرلی و خاریجی مئدیالارا ایزین وئرسینلر کی، گونو سحردن، تونئلین باشدان – باشاسیندان گؤرونتولو چکیلیش ائده‌رک توپلومون اینامینی قازانسینلار. عکس حالدا بیزیم ادعالاری، داها دا تصدیقله‌مک دئمکدیر»… بئله بیر حا‌للاردا اؤنجه لر ده عرض ائتمیشم، (اخوی؛ اؤزونسن).
تکجه اؤزلرینین سئچیلمیش بازجو‌خبرنگارلاریندان بیرینی اؤزل اویونلا (کلک‌های سینمایی، افکت و فنی) یوللارلا تونئلین باشدان – باشاسیندان یوخ، بیرجه نقطه‌سینده اؤنجه دن تاوانا شیلنگلر چکیب و سو شیریلدادماقلا کوتله‌نی آلدادا بیلرسینیز، آنجاق پئشه‌کار انسانلاری یوخ. بیز ساققالیمیزی دگیرماندا آغارتمامیشیق.
سوأل چوخ آیدین ایدی. بیر داها دئییرم: تونئلین باشدان – باشاسیندان داخلی و خارجی مئدیا نماینده‌لرینین حضوری ایله بو ایشی گؤرمه‌دینیز، دئمه‌لی اساس شوبهه اؤز گوجونده قالیر. البته یئنی فاکتلار اوزه چیخدیقجا، اساساً زاب مسئله‌سی اهمیتینی ایتیریر. اونسوزدا بیلنلر بیلیرلر کی، زاب تونئلی ۱۳۶۰-جی ایللردن اعتباراً مطالعاتی ایشلری باشقا آماجلا باشلانیب و مسئوللارین دفعه‌لرله وورغولادیقلارینا گؤره، زاب تونئلیندن اورمو گؤلونه سو اؤتورمه، او پلانین اوچونجو اولویتی‌نی تشکیل ائدیر. بس زاب تونئلینین بیرینجی و ایکینجی اوستونلویو نه دیر؟ حضرات بویوروب جواب وئرسینلر. (طبیعی دیر کی جاواب یوخدور).
چونکو، بیز اؤلکه داخلینده اولان گووَنجلی دوستلاریمیزین میدانی آراشدیرمالاری نتیجه‌سینده بیرچوخ شوبهه‌لی و تهلوکه‌لی دئتایل‌لارا أل تاپمیشیق، او جومله دن « ماراغا نین شیشه سازی کارخاناسی، اورمو گؤلوندن گؤتورولن میلیونلارجا تُن دوزلاردان اساس اورانیوم استحصال مرکزینه چئوریلدیگی شوبهه‌نی گوجلندیریر ».
بیرده، دؤرد ایل اؤنجه سولدوز اهالیسی آرا بیلینن، زاب تونئلینین ایچینده انحرافی تونئل‌لرین روسلار واسطه‌سی ایلی قازیلماسی، ایندی ده قارانلیق مقام‌لاردان دیر.
داها اؤنملی مسئله لردن بیریسی ده، سپاه وریندن دستکله‌نن پ.ک.ک، پژاک و حزب دموکراتین داخیلی طرفدارلاری واسطه سی ایله تورکیه سرحدلرینده‌کی داغلیق اراضی‌لری باغ- باغاتا چئوریریب و اورمو گؤلونه آخان سولارین نفسی نی کسمک‌له، سؤزو گئدن ۷۴ سددین مطالعه‌سیز قورولماسی گؤسته‌ریرکی، ذاتاً بو سدلر گؤلو قورودماق اوچون تیکیلیب و ایران دولتی هئچ بیر حالدا، بو سدلری گؤلون اوزونه آچمایاجاق
آتالار دئییبلر:« ایش – ایشی گؤسته‌ریر»؛ ایندی مسئله داها دا غلیظ لشدی.
مردادین ایکیسیندن اوچونه کئچن گئجه، جناب علی فرضایی نین اینیستادا آچدیغی جانلی یاییندا، جناب دکتر «یوسف علیزاده آذر» ایله موللا ذاکر و دکتر بهادری آرالاریندا گرگین مباحثه دن آیدین اولوندو کی، زاب – ماب فرعی و فیکیرلری یاییندیران مسئله لردن دی. جلالزاده نین ادعاسینا گؤره بیر میلیون تن دوز گؤلون قوروموش اراضیسیندن گؤتورولور! دکتر بهادری اورمونون کئچمیش نماینده سی و سلماسین کئچمیش فرمانداری حاج علی‌لو و اورمونون ایندیکی نماینده سی موللا ذاکر ائله جه ده اؤنجه کی لایودا مجلسین میللی امنیت کمسیونونون مسئولو جلال زاده و کئچمیش امکداشی برزگر، دکتر یوسف علیزاده آذر-ین اورانیوم اوزره سوألینی داندیلار.
اصلینده اساس مسئله بیزیم اشاره و اصرارلی اولدوغوموز «اورمو گؤلونون تکینده‌کی اورانیوم» ذخیره‌سی‌نی چیخارماق اوچون، گؤلو بیله‌رک‌دن قورودورلار». رحمتلیک آتاتورک بویورموشکن: «سؤز قونوسو وطن‌دیر سه، گئری‌سی تفرعات دی».
ایندی، سؤز قونوسو یالنیز گؤلون تکینده‌کی اورانیوم، لیتیوم و باشقا زنگین قیمتلی فلزلری چیخارماق‌دیر.
بو، او قدر ده گیزلین بیر مسئله دگیل. 30 آوقوست 2011 ده ۸ شهریور ۱۳۹۰-جی ایل آمریکا سسی « روی خط» آدلی وئرلیشینده بو مسله‌نی مذاکره ائتدی. تکجه دؤرت گون سونراسی فارس خبر آژانسی ۱۳۹۰/۰۶/۱۲ ساعات ۱۱:۴۹ –دا یازدی :« در گفت‌وگوی فارس با مدیر ملی طرح حفاظت از تالاب‌های ایران اعلام شد
پاسخ به ادعای صدای آمریکا درباره اورانیوم موجود در دریاچه ارومیه
خبرگزاری فارس: مدیر ملی طرح حفاظت از تالاب‌های ایران در پاسخ به ادعای صدای آمریکا مبنی بر خشک کردن دریاچه ارومیه برای برداشت اورانیوم گفت: طبق مطالعات انجام گرفته در مورد دریاچه ارومیه فقط در این دریاچه رسوبات نمکی وجود دارد و موضوع خشک شدن دریاچه ارومیه به خاطر برداشت اورانیوم از کف این دریاچه، واقعیت ندارد.
علی نظریدوست در گفت‌وگو با خبرنگار جامعه فارس در خصوص ادعای صدای آمریکا مبنی بر اینکه خشک شدن دریاچه ارومیه به خاطر برداشت اورانیوم از کف آن صورت گرفته است، اظهار داشت: کل بستر دریاچه ارومیه تا چند سال پیش آب بود و دسترسی به بستر این دریاچه وجود نداشت همچنین به دلیل اینکه این دریاچه پارک ملی دارد فعالیت بهره‌برداری در آن کاملاً ممنوع است و سازمان حفاظت محیط زیست هر فعالیتی را تا شعاع چند کیلومتری کنترل میکند و اینگونه فعالیت‌ها ممنوعیت دارد».
