حؤکومتین ایلین سونونا قدر ۳۸۰ مین میلیارد تومن بودجه کسیری اؤن گؤرولور
مجلیسین آراشدیرما مرکزی حؤکومتین بو ایلین سونوندا ۳۸۰ مین میلیارد تومن بودجه کسیری ایله اوزلشه‌جه‌یینی اؤن گؤرور.
بو مرکزین یارانه‌لرین هدفلنمه‌سی ایله باغلی قایناق کسیری ایله باغلی تخمینلری ۱۰۰ مین میلیارد تومندن چوخدور کی، بو دا ایلین سونوندا دؤولت قایناقلاری‌نین عومومی کسیرینی تخمیناً ۵۰۰ مین میلیارد تومنه چاتدیراجاق.
بو راپوردا مجلیس آراشدیرمالار مرکزی بیلدیریب: حؤکومتین یقین کی، بعضی خرجلری کسمک ایله و اؤتن ایللرین سورجینه اویغون اولاراق بو کسیرین مبلغینی آزالداجاق.
نفت و نفت اورونلری‌نین ساتیشی و ایخراجیندان گؤزله‌نیلن گلیرلرین رئاللاشماماسی بو بودجه کسیری‌نین سببلریندن بیری کیمی گؤستریلیب.
داها اؤنجه پلانلاما و بودجه تشکیلاتی‌نین رئیسی داوود منظور بودجه دنگه‌سیزلیگی‌نین سببینی نفت گلیرلری‌نین یوزده ۴۰ آزالدیغی اعلان ائتمیشدی.
ابراهیم رئیسی‌نین معاونی‌نین سؤزلرینه گؤره، نفت و گاز ایخراجیندان الده اولونان گلیرلر ۶۲۴ مین تومن حجمینده قیمتلندیریلیر.
