جامپینگ قروپونون ایکی مشقچیسی‌نین، مشقچیلیک کارتی دایاندیریلیب
ماهشهرده قادینلارین جامپینگ فیتنسینی عکس ائتدیرن ویدئونون یاییلماسیندان سونرا بعضی مئدیالار بو ویدئونون مشقچی و دیزاینئرلریندن ایکیسی‌نین مشقچیلیک کارتلاری‌نین دایاندیریلماسی باره‌ده بیلگی یاییبلار.
آفتاب‌نیوز سایتی بو ویدئونون گؤرونتولرینی یاییب و بیلدیریب کی، خوزیستان ایالتی‌نین ایدمان و گنجلر اوزره باش مودیری حمید بنی‌تمیمین امری ایله ماهشهرده جامپینگ فیتنسینی اوزره مشقچیلر اولان آسیه دنیاری و آمنه کعبی‌نین مشقچیلیک کارتی دایاندیریلیب.
کئچن هفته سوسیال شبکه‌لرده ماهشهر قیزلاری‌نین جامپینگ قروپونون ویدئوسو یاییملانیب و همین قروپدا قروپ تام گئییمده و حجابلا ساحل کناریندا جامپینگ نومایش ائتدیریب.
سانال اورتامدا ارزشی آدلاندیریلان بعضی قروپلار درحال حجاب یئرینه چفیه‌دن ایستیفاده‌یه ایستیناد ائده‌رک قروپ عضولرینی “توپلومون ديرلرینی تحقیر ائتمک”ده اتهام ائدیب و خوزیستان ایالتی‌نین ایدمان اورقانلارینی جاواب وئرمه‌یه چاغیریب.
#ایرانخبرلری #قادینحوقوقلاری #قادینلار
