تورک مدنی فعال سالار طاهرافشار ایش یئرینده حبس ائدیلیب
تورک مدنی فعال سالار طاهرافشار ۳۰ بهمن چارشنبه آخشامی سیویل پولیسلر طرفیندن ایش یئرینده حبس ائدیلیب.
بو کئچمیش سیاسی محبوسون باجیسی اینستاگرام حکایه‌‌لرینده، بو تانینمیش فعالین دونن ۳۰ بهمن گونو سیویل پولیسلر طرفیندن ایکی ماشینلا ایش یئرینه باسقین ائده‌رک حبس ائدیلدیگینی آچیقلاییب.
حاضردا اونون حبسی‌نین سببی و هارا کؤچورولمه‌سی باره‌ده بیلگی یوخدور.
قئید ائدک کی، جناب طاهر افشار بوندان اؤنجه ۱ خرداد گونو کئچیریلن محکمه‌‌‌ده تهران اینقیلاب محکمه‌‌سی طرفیندن، “داخیلی و خاریجی گوونلیگه قارشی جینایتلر تؤرتمک اوچون توپلاشماق و البیر اولماق، ایران ایسلام جمهورییتینه قارشی تبلیغات و جاسوسلوق” اتهامی ایله ۵ ایل حبسه محکوم ائدیلمیشدی.
ایران‌وایر
