تورک مدنی فعال اکبر حسینی حبس جزاسینا محکوم ائدیلیب

۱۴۰۱-جی ایل اعتراضلاریندا اؤلدورولن آیلار حقی‌نین اؤلومونون ۴۰-جی گون مراسیمینده توتولان تورک مدنی فعال اکبر حسینی ۶ آی حبسه محکوم ائدیلیب.

تبریزلی بو وطنداش داها اؤنجه “رئژیمه قارشی تبلیغات” و “دوشمن قروپلاشمالارینا عضو اولماق” کیمی اتهاملارلا محکمه‌‌نین قراری ایله ایل یاریم حبسه محکوم ائدیلیب.

اکبر حسینی ۱۳۹۸-جی ایلین آبانیندا اؤلنلرین عائله‌‌‌لری حاقیندا دانیشدیغینا و ۱۴۰۱-جی ایل اعتراضلاری زامانی ایران گوونلیک گوجلری طرفیندن اؤلدورولن گنج آذربایجانلی حکیم “آیلار حقی”نین مراسیمینده ایشتیراک ائتدیگینه گؤره دفعه‌‌لرله توتولوب، دیندیریلیب و تضییقلره معروض قالیب.

گوونلیک گوجلری اکبر حسینی‌یه دفعه‌‌لرله زنگ ائده‌رک هده‌له‌ییب و اینجیدیبلر و بو ۲۱ یاشلی گنجین حیاتینی پوزوبلار.

بوندان اؤنجه ده اکبر حسینی‌نین دیندیریجیلری تلفون زنگلرینده اونو اؤلدورمکله هده‌له‌میشدیلر.

Iranwire