تورک محبوس وکیل طاهر نقوی اوزمانلاشدیریلمیش طبی موعالیجه‌‌‌دن محروم ائدیلیب
اوین حبس‌خاناسیندا حبسده اولان تورک وکیل طاهر نقوی حکیمین اونون اورک موعاینه‌‌سی و قان تضییقی و تیروئید دورومو ایله باغلی آنالیزلر و تؤوصیه‌‌‌لرینه باخمایاراق، لازیمی طبی یاردیمدان محروم ائدیلیب.
آلمانیادا یاشایان حوقوقچو و آذربایجان اینسان حاقلاری تشکیلاتی‌نین باشقان یاردیمجیسی سینا یوسفی ایکس حسابیندا ایرانین محکمه سیستمی‌نین محبوسلارا اؤلوم ایمکانی وئردیگی باشلیقلی بیر یازیدا یازیب: “اوین حبس‌خاناسیندا طاهر نقوی‌نین ساغلیق دورومو گئتدیکجه پیسلشیر. حکیمین کاردیولوژی موعاینه و تیروئید دورومو ایله باغلی آنالیزلر و تؤوصیه‌‌‌لرینه باخمایاراق، حبس‌خانا یئتکیلیلری و گوونلیک گوجلری اونون موعالیجه‌‌‌سینه مانع اولور.
کرج شهرینده یاشایان آذربایجانلی وکیل طاهر نقوی چارشنبه آخشامی، ۱۷ بهمن ۱۴۰۲-ده گوونلیک گوجلری طرفیندن حبس ائدیلیب.
۵ آیدیر بلیرسز دورومدا حبسده اولان بو مدنی فعال حبس‌خانا حکیمی‌نین اورک سکته‌سی کئچیره بیله‌جیی ایله باغلی خبردارلیق ائتمه‌سیندن سونرا عائله‌‌‌سی‌نین ایستیی ایله او آکسیاسینی مووقتی اولاراق دایاندیریب.
بو فعالا قارشی آیریجا حبس‌خانا مامورلاریندان بیری ایله موناقیشه‌یه گؤره، “حبس‌خانادا توپلومسال دوزنی پوزماق” و “حبس‌خانا امکداشلارینی تحقیر ائتمک” اتهامی ایله یئنی بیر پرونده آچیلیب.
۱۶، ۱۷ و ۱۸ بهمن-ده آیدا صدیقی خراسانلو، فاطمه آتشی خیاوی، کرامت روحنواز، علیرضا شیرزاد کوچنقی، امیرعلی برادران، یاشار حسین زاده، لطفعلی جباری، سهیلا اصغری، مرتضی پروین جدا، ودود اسدی، سالار طاهر افشار، سعید جمال زاده، باقر حاجی زاده، آیاز سیف خواه، سعید مینایی، کمال نوری، آراز امان، طاهر نقوی، سعید دوستان، سلیمان «آیدین» محمدی، کرم مردانه مستعلی بیگلو و عبدالله واحدی، اردبیل، خیاو «مشگین شهر»، رشت، اورمیه، تبریز، اسلامشهر تهران، کرج و آستارا، شهرلرینده، اطلاعات گوجلری طرفیندن حبس ائدیلیب.
