تورکمن خالقینا یاردیم!

آزربایجان دئموکراتیک بیرلیک یندن چاغری

سون نئچه گونون عرفه سینده گئنیش یاغیشلار گلستان ایالتینده و تورکمن صحرادا آغیر سئللره یول آچمیش و یخیچی بیر ائتگیسی اولموشدور. گنبدکاووس، آغ قلا، گمیشان و بعضی کندلر و اه کین زه می لری، باغ باغات، صنایع زیانلار گؤرموشدورلر. بعضی یئرلری ایکی متر دن آرتیق سو باسمیشدیر.تورکمن خالقی بو یاغیشلاردان جیدی جه زیان آلمیشدیر. اوشاق لار، یاشلی لار و خسته لر هر کس دن چوخ بو سئل باسمادان زیان گؤرمک ده دیرلر.

دئولت اورقانلاری تورکمن صحرایا لازیمی یاردیم ائتمه میش و خالقین گؤزلنتی لرین قارشیلامامیشدیر. ایران رئژیمی نین بؤلگه ده داغیدیجی سیاست لری اساسیندا حئسابسیز، کیتابسیز باراژ دوزلتمه لری بوگونون فلاکتینین یارانماسیندا جیددی رولو واردیر.

قارداش خالق اولان تورکمن لر بو آغیرآنلاردا یاردیم اومورلار. تورک خالقی بیرینجی درجه ده تورکمن قارداش لارینین یاردیمینا اؤزن گؤسترمه لیدیرلر.

تورک خالقی گونئی آزربایجان دان و تورک کانتون لاری، خوراسان، قاشقای و اصفهان دا و

عمومیت ده تامام ایران دان تورکمن قارداشلاریمیزین یاردیمینا گئتمه لی و اونلارین بو چتین گونلرده یانلاریندا اولمالیدیرلار.

بیز، آزربایجان دئموکراتیک بیرلییک، بو آغیر گونده تورکمن قارداشلاریمیزا

اه لیمیزدن گلن کمک لری اسیر گه مه مه لییک.

یاشاسین تورک و تورکمن قارداشلیغی

آزربایجان دئموکراتیک بیرلییی- بیرلیک

2019-03-22