تورکجه کلیپین چکیلیشی زنجاندا آنام عمارتی‌نین مؤهورلنمه‌سینه نه‌دن اولوب
زنجانین اماکن ایداره‌سی آنام اکو توریزم عمارتینی تورکجه اولان بیر ماهنییا کلیپ چکدیرمک اوچون ایشبیرلیگی ائتدیگی اوچون مؤهورله‌ییب.
آنام عمارتی اینستاگرام صفحه‌‌‌سینده بو ایقامتگاهین باغلاندیغینی آچیقلاراراق یازیب کی، بو تاریخی-توریزم ایقامتگاهی‌نین باغلانماسینا سبب وحید اشرفی‌نین موغنیلیغینده تورک دیلینده کلیپ چکدیرمک اوچون بو قروپلا قروپلا ایشبیرلیگی ائتمه‌سیدیر.
زنجان اماکن ایداره‌سی‌نین آنام عمارتینی مؤهورله‌دیگی نه‌دنیندن یاییلان ویدئودا بیر قروپ ارکک و قادین موسیقیچی بو تاریخی مکاندا حیط‌ده یاریم‌دایره شکلینده دوزولموش اوتوراقلاردا گیتارا و کاخون کیمی آلتلرده ایفا ائدیر، وحید اشرفی ایسه آنام آدلی بو عمارتده موسیقیچیلر، خوشلوق آدلی بیر ماهنی اوخویور.
آذربایجان تورکجه‌سینده بسته‌لنمیش خوشلوق ماهنیسیندا سئوگی و محبت مؤوضوسوندا شعر یئر آلیب.
آنام اکو توریزم ایقامتگاهی ۱۳۹۹-جو ایلده زنجان شهرینده ۸۰ ایله یاخین یاشی اولان بیر ائوین تعمیریندن سونرا ایستیفاده‌یه وئریلمیشدیر. زنجان بؤلگه‌سی‌نین یئرل معمارلیغی قورونماقلا تعمیر ائدیلن، بئش اوتاقلی و شهرین مرکزینده ۱۵ نفرلیک بو ایقامتگاه زنجانا گئدن توریستلرینی بیلینمیش و سئودیگی ایقامتگاهیدیر.
