تهرانین هاواسی یانغینلارا بورونن لس‌آنجلس‌دن ۴ قات داها چوخ چرکلیدیر
تاریخی‌نین ان بؤیوک مئشه یانغینی ایله موباریزه آپاران لس‌آنجلس ایله تهران شهرلری آراسیندا هاوا کئیفيتینده‌کی فرق مئدیا و سوسیال مئدیا قوللانیجیلاری‌نین دقتینی چکیب.
دونیا شهرلرینده هاوانین کئیفيتینه نظارت ائدن IQAir سایتی‌نین وئردیگی بیلگیلره گؤره، تهرانین هاواسی ۲۴ دی، بازار ائرته‌سی سحر ساعت ۴:۳۰ -دا یانغین ایله باش باشا قالان لس‌آنجلس‌دن ۴ قات داها چوخ چرکلیدیر.
بو سایتین ایستاتیستیک وئریلیرنه گؤره، تهرانین هاوانین چرکلنمه ایندئکسی بو ساعت ۱۶۹-دور و ایران پایتاختیندا هاوا قئیری-ساغلامدیر. بو، لس‌آنجلس‌ده هاوا کئیفيتی ایندئکسی‌نین ۳۹ اولدوغو و شهرین بعضی حیصه‌‌‌لری یانماسینا باخمایاراق هاوا کئیفيتی یاخشیدیر.
“شرق” قزئتی بونونلا باغلی یازیب کی، لوس- لس‌آنجلس‌ده‌کی آکتیو یانغینلارا باخمایاراق، تهران و لس‌آنجلس‌دن آراسیندا هاوانین کئیفيتینده نظره‌چارپاجاق فرق تهراندا هاوانین چرکلنمه‌سی ایله باغلی یاپیسال پروبلئملریندن خبر وئریر.
تهراندا سیخ ترافیک و شخصی اتومبیللردن گئنیش ایستیفاده؛ تهران اطرافینداکی صنایع و فابریکلر؛ جوغرافی و ایقلیم شرایطی، یاشیللیق و بیتکی اؤرتویونون اولماماسی تهرانین هاوا کئیفيتی‌نین کریتیک اولماسی‌نین سببلریندن ساییلیر.
بونون عکسینه اولاراق، لس‌آنجلس‌دن شهری گئنیش‌میقیاسلی یانغینلارلا اوزلشمه‌سینه باخمایاراق، چرکلندیریجی منبع‌لرین داها یاخشی ایداره اولونماسی، تمیز تکنولوژیلرین ایستیفاده‌سی و هاوانین چرکلنمه‌سینه نظارت اوچون ائتکیلی سیاستلر سایه‌سینده اؤز هاوا کئیفيتینی داها یاخشی دورومدا ساخلایا بیلمیشدیر.
