تهرانین سخایی خیابانیندا نفت خسته‌خاناسیندا یانغین باش وئریب
تهران یانغین سؤندورمه تشکیلاتی‌نین سؤزچوسو سخایی خیابانینداکی نفت خسته‌خاناسیندا یانغینین باش وئردیگینی و 20 خسته‌نین قورتاریلدیغینی آچیقلادی.
جلال مالکی، یانغینین بازار ائرته‌سی سحر خسته‌خانانین سی‌سی‌یو و شیمی درمانی بؤلومونده باشلادیغینی، یانغینین سؤندورولمه‌سی اوچون بؤلگه‌یه دؤرد یانغین‌سؤندورمه قوروپونون گؤندریلدیگینی سؤیله‌دی.
مالکی دئدی «دیگر قاتلاردا 20نفره یاخین خسته وار ایدی کی، دیگر بؤلوملره کؤچورولدو و حادثه‌‌‌ده هئچ کیم خسارت آلمادی.»
زنجیرواری یانغینلار تهران و ایرانین دیگر شهرلرینده داوام ائدیر و بو گونه قدر چوخ سایدا اینسانا جانی، مادی و بیولوژی اولاراق زیان ووروب.
یانغینلارلا علاقه دار اونلارلا اینسان حبس ائدیله‌رک سورغویا چکیلیب.
بعضی مقاملار یانغینلارین قصداً باش‌وئردیگینی و گوناهکارلارلا علاقه‌‌‌لی داوا آچاجاقلارینی دئییرلئر.
