تهراندا یوخسوللوغون آرتماسیندان سونرا کانتینر ایجاره‌سینه ایستکلر چوخالمیشدیر
ایرنا خبر آژانسی، شهر ساکینلری‌نین یوخسوللوق سببیندن ، تهرانداکی کانتینر بازاریندا ایجاره ایستکلری‌نین آرتدیغینی بیلدیردی.
بو خبر آژانسی بیلدیریر کی، سون ایللرده تهراندا کیرایه قیمتلری‌نین آرتماسیندان سونرا بو شهرده کانتینر ایستیفاده‌سینه ده طلبلر آرتمیشدیر.
کانتینر آنبارلاریندان بیری‌نین مودورو؛ «شرکتین ۲۵۰۰ کانتینرینین ۹۰ فایزی‌نین اینسانلارین اشیالاری ایله دولو اولدوغونو وورغولادی و اونلارین چوخو یوخسوللوقدان کانتینر ایجاره ائتمه‌یه مجبور قالیرلار» دئدی.
بو کانتینرلر اوچون موراجعت ائدنلردن بیری ده «بونلارین بیر چوخو یوخسوللوقدان بورادادیر، بعضیلری حبس‌خانایا دوشدو و اشیالارینی ساخلایاجاق یئر تاپمادی، بعضیلری بوشانیب و ائو اشیالاری صاحبسیز قالب و بورایا گلیبلر» دئدی.
امک و سوسیال ریفاه ناظرلیگی‌نین معلوماتینا گؤره، ایران اهالیسی‌نین تخمینا ۳۰ فایزی ایجاره‌چیلردیر، تهران ایالتینده ۵۱ فایزدان چوخ و تهران شهری‌نین‌ده تخمینا ۴۴ فایزی ایجاره‌ده اوتورور.
