تهراندا رسمی کیرایه قیمتی ۲۵% آرتدی
اردیبهشتده ایرانین یوللار و شهرسالما ناظری رستم قاسمی تهران بؤیوک شهرینده “کیرایه”نین رسمی اولاراق یوزده ۲۵، باشقا بؤیوک شهرلرده یوزده ۲۰ و باشقا شهرلرده یوزده ۲۰ رسمی آرتیمی اعلان ائتدی.
کئچن ایل ده کیرایه حاقی‌نین آرتیم درجه‌‌‌سی عینی مبلغله تصدیق ائدیلیب، آنجاق اؤلکه‌نین رسمی ایستاتیستیکاسی تهراندا و ایرانین باشقا بؤیوک شهرلرینده کیرایه‌‌‌‌نین آرتیمی‌نین بو مبلغدن ایکی قات چوخ اولدوغونو گؤستریر.
بو باره‌ده ایرانین یول و شهرسالما ناظری ده بیلدیریب کی، بیزیم داها کیرایه‌نی آرتیرماغا حاقیمیز یوخدور. عکس حالدا جزا کسیله‌جک.
بوندان علاوه، جناب قاسمی ائو دئپوزیتی‌نین آرتیمی‌نین یاخین گونلرده آیدینلاشاجاغینی آچیقلاییب.
ایران مرکزی بانکی ۱۸ اردیبهشتده بو گونش ایلی اوچون ائو ودیعه‌لرینی آچیقلاییب و بو ایشلره ۴۰ مین میلیارد تومن وسایط آیریلدیغینی بیلدیریب.
بو تسهیلات یالنیز اوشاقلاری اولان عائله‌‌‌لر اوچون نظرده توتولوب و نه قدر چوخ اوشاق وارسا، بیر او قدر چوخ ودیعه وئریله‌جک.
#ایران_خبرلری #ائو_کیرایه‌لری
