تفت‌ده‌کی بیر هیا‌تین مجویزی لغو ائدیلدی
تفتین فرمانداری، کرونا ویروس بؤحرانیندا «نورمالارین پوزولماسی و ساغلاملیق قایدالارینا عمل ائدیلمه‌مه‌سی» سببییله بو شهرده‌کی بیر یاس قروپونون مجویزینین لغو اولوندوغونو آچیقلادی.
«علیرضا نوکار»، یاس قروپونون تبلیغات تشکیلاتی طرفیندن مجویز آلیندیغینی، لاکین ساغلاملیق تعلیماتلارینا محل قویمادیغینی سؤیله‌دی.
نوکار علاوه ائتدی «بو قروپا لازیمی خبردارلیقلار وئریلدی و اونلارا عمل ائتمه‌دیکلری اوچون فعالیتلرینه داوام ائتدیرمه‌لری دوردورولدو.»
تفت فرمانداری بوتون یاس هیاتلرینین ساغلاملیق قایدالارینا عمل ائتمه‌یه و یاس مراسیملرینده یئنیلیکلردن چکینمه‌یه چاغیردی.
بو یاخینلاردا، یزد ایالتی‌نین مجازی اورتامیندا، ساغلاملیق قایدالارینا عمل ائتمه‌دن چیلپاق اینسانلارین یاس توتدوقلاری بیر فیلم یاییلدی.
کرونا ویروس بؤحرانیندا مذهبی هیاتلر محرم آییندا خوصوصی ماتم پروقراملاری کئچیرمک اوچون ایجازه آلا بیلدیلر.
مسووللار، ایجازه‌لری خوصوصی شرطلر آلتیندا بو هیاتلره وئریلدیگینی و ساغلاملیق قایدالارینا رعایت ائتمه‌لی اولدوقلارینی سؤیله‌ییرلر.
