تبریز کمباین شرکتی‌نین چالیشانلاری ۴ آیدیر معاشلارینی آلا بیلمه‌ییبلر
تبریزین سهند کمباین شرکتی‌نین بیر قروپ ایشچیسی دئییرلر کی، اؤتن ایلین اسفند آییندان بری اقتصادی دوروملاری پیسدیر و ۴ آیدیر کی معاش آلماییبلار.
بو فابریکین چالیشانلاریندان بیری دئییر کی، دؤرد آیلیق امک‌حاقی اؤده‌نیلمه‌دیگیندن باشقا ۱۳۹۰-جو ایله قدر بو اورتیم بؤلمه‌سینده ۵۰۰ نفره یاخین ایشچی وار ایدی، لاکین بو تاریخدن فابریکین مادی پروبلئملری‌نین گئتدیکجه آرتماسی ایله ایشچیلرین سایی دا آزالدی و بئله کی، ایندی بو فابریکده ۵۰ و ۵۵ ایشچی چالیشیر.
بو چالیشانین دئدیگینه گؤره، اوزون ایللر اکینچیلیک ساحه‌سینده کمباینلار، کانکس اورتیردی آنجاق ایندی بلبرینگ اورتیمینه چئوریلیب.
آذربایجان شهرلرینده صنایع و اورتیم یئرلری آز اولماقلا برابر مووجود صنایع یئرلری ده قاپانیر و بیر چوخ ایش یئرینده معاشلارین اؤدنمه‌سی بؤیوک سورونلارا یول آچیب.
