تبریز و اورمیه‌ده اؤیرنجی قیزلارین آردیجیل زهرلنمه‌سی‌نین داوامی
سوسیال شبکه‌لرده یاییملانان ویدئودا ۲۲ فروردین ۱۴۰۲-جی ایل چارشنبه آخشامی تبریز و اورمیه شهرلرینده اؤیرنجی قیزلارین زهرلنمه‌سی عکس اولونوب.
دونن ایران مجلیسی‌نین عضوو محمدحسن آصفری دئییب کی، گوونلیک قوروملاری زهرلنمه‌نین اساس علامتلرینی الده ائده بیلمه‌ییب و اونون سؤزلرینه گؤره، ساغلیق ناظرلیگی هله‌لیک زهرلنمه‌نین دقیق نؤعنو بللی ائتمه‌ییب.
بو آرادا، ایسلام جمهورییتی‌نین حاکیميت اورقانلاری گوونلیک قوروملاری‌نین اؤیرنجی قیزلارین آردیجیل زهرلنمه‌سی ایله باغلی اساس ایپوچلارینی الده ائده بیلمه‌مه‌سیندن دانیشیر و بو گونلرده حاکیميت اورقانلاری حجابی رعایت ائتمه‌ین قادینلارا قارشی تئز-تئز محکمه تدبیرلری، جریمه‌لر و قئیری خیدمتلره ال آتیرلار.
سون بیر هفته ایچینده و اؤزللیکله دونن آذربایجانین چئشیدلی شهرلرینده اؤیرنجیلرین کوتلوی زهرلنمه‌سی خبرلری یاییلمیشدی.
ایران اوخوللارینا کیمیاسال سالدیریلار تخمیناً ۵ آی اؤنجه قوم شهرینده باشلاییب، بو زامانا قدر ۵ میندن چوخ اؤیرنجی زهرله‌نیب و طب مرکزلرینه آپاریلیب.
