تبریز شهر شوراسی‌نین سؤزچوسو: تبریزده گولوستان باغی‌نین داغیدیلماسی داوام ائدیر
تبریز شهر شوراسی‌نین سؤزچوسو فریدون بابایی اقدم، گولوستان باغینداکی سون دوروملا باغلی رکنا ایله موصاحیبه‌ده دئییب: “تأسف کی، عملیاتلارین دایاندیریلماسی‌نین شاهیدی دئییلیک؛ داها دوغروسو، بِتونلاما و عومومیلیکده تیکینتی ایشلری ایجازه‌سیز حیاتا کئچیریلیر. ”
۷-جی ماده کمیسیونونون راضیلیغی اولمادان آغاجلارین کسیلمه‌سی و آچیق شکیلده بو کمیسیونون قارشی چیخماسینا باخمایاراق “پوزونتولار” داوام ائدیر و آیریجا تاریخی اثرین کیملیگی‌نین ديشدیریلمه‌سی “جینایت” ساییلیر.
او علاوه ائتدی: بو وضعيتده بیز پوزونتونون دؤرد طرفینی گؤروروک. بیرینجیسی، قانونی صلاحیتی اولمادان بو تاپشیریغی وئرن بلدیه باشقانی ایله باغلیدیر. ایکینجیسی، قانونلارا اهميت وئرمه‌دن بونو ائدن پولیس قوه‌لری‌نین کوماندیری ایله باغلیدیر.
“گولوستان باغی” ایراندا دؤولت یئتکیلیلری طرفیندن ایللردیر باخیمسیز قالان ایلک عومومی شهر پارکیدیر.
۹۵ ایللیک تاریخی اولان بو پارک، اؤزللیکله ده تبریز شهری‌نین مرکزی حیصه‌‌‌سینده یئر آلماقدادیر.
