تبریز حبس‌خاناسیندا قتل ایله سوچلانان محکوم اعدام ائدیلیب
ایران اینسان حاقلاری تشکیلاتی‌نین یایدیغی بیلگیلره گؤره، قتل ایله سوچلانان سیامک لطفی آدلی محکوم اعدام ائدیلیب.
بو تشکیلات آیریجا کرج شهری‌نین رجای‌شهر حبس‌خاناسیندا دا بیر محکومون اعدام ائدیلدیگینی بیلدیریب.
اونون کیملیگی و نه ایله اتهام اولوندوغو باره‌ده آیرینتیلی آچیقلاما وئریلمه‌ییب.
قئید ائدک کی، اینسان حاقلاری تشکیلاتلاری‌نین وئردیگی سون راپورا گؤره، سون بیر آیدا ایران حبس‌خانالاریندا ۷۰-دن چوخ محکوم اعدام اولونوب.
۲۰۲۳-جو ایلین ایلک یاریسیندا ایراندا اعدام ائدیلن محکوملارین سایی ۴۰۰ نفری کئچیب و اؤنجه‌کی ایلین عینی دؤورو ایله موقایسه‌ده تخمیناً یوزده ۸۰ آرتیب.
