تبریز حبس‌خاناسیندا آجلیق آکسیاسی کئچیرن سالار طاهرافشارین دورومو ایله باغلی بیلگی یوخدور
سالار طاهرافشارین تبریز حبس‌خاناسیندا آجلیق آکسییاسی کئچیرمه‌سیندن بیر هفته کئچمه‌سینه باخمایاراق، فیزیکی ساغلاملیغی ایله باغلی ناراحاتلیقلار وار و بو آذربایجانلی تورک فعالین دوروموندان هله ده خبر یوخدور.
آیریجا، سالار طاهرافشارین زنگلری‌نین تبریز حبس‌خاناسی‌نین یئتکیلیلری طرفیندن قفیل کسیلمه‌سیندن ۹ گون کئچیب و عائله‌‌‌سی‌نین تبریز حبس‌خاناسی یئتکیلیلری ایله علاقه ساخلاماق جهدلری سونوجسوز قالیب.
سالار طاهر افشار “کریم اسماعیل زاده و میلاد جلیلی” ایله بیرلیکده اوین حبس‌خاناسیندا آجلیق آکسیاسی کئچیرن تورک محبوسلارا دستک مقصدیله ۴ تیر بازار ائرته‌سیندن آجلیق آکسییاسینا باشلاییب.
تورک مدنی فعال سالار طاهرافشار ۶ آیلیق حبس جزاسینی چکمک اوچون ۱۶ خرداد ۱۴۰۳-جو ایل، چارشنبه گونو تبریزین مرکزی حبس‌خاناسینا گئدیب.
تورک مدنی فعال سالار طاهر افشار ۲۸ آذر ۱۴۰۲-ده اورمیه‌ده گوونلیک گوجلری طرفیندن حبس ائدیله‌رک تبریز اطلاعات ایداره‌سینه تحویل وئریلیب.
جناب طاهر افشار ۹ اسفند ۱۴۰۲چارشنبه گونو ۸۰۰ میلیون تومنلیک گیروو قارشیلیغیندا اوین ایستینطاق تجرید‌خاناسی‌نین ۲۰۹-جو بندیندن محکمه‌یه قدر مووقتی اولاراق سربست بوراخیلمیشدی.
Iranwire
