تبریز بلدیه باشقانی: پیانو اِلمانی‌نین قوراشدیریجیلارینا جدی تپکی وئریله‌جک
تبریز بلدیه باشقانی ایرج شهین باهر، پیانو اِلمانی‌نین قوراشدیریلماسینی سهلاًکارلیق آدلاندیردی و بو مدنی اِلمانین قوراشدیریجیلارینا جدی شکیلده تپکی وئرمیی امر ائتدی.
ایرج شهین باهر ژورنالیستلره وئردیگی موصاحیبه‌ده بونلاری سؤیله‌دی: اِلمانی‌نین قوراشدیریلماسی سون بیر نئچه گونده توپلومدا ناراحاتلیغا سبب اولموشدو و بعضی عزیز غازی‌لر و حؤرمتلی مدنيت و صنعت آداملارینی ناراحات ائتمیشدی.
او بو حرکتدن دوشمنلرین یارارلاندیغینی، حؤکومته قارشی تبلیغات واسطه‌‌‌سی کیمی ایستیفاده ائتدیکلرینی دئییب
ایسنایا گؤره، او علاوه ائتدی: تأسف کی، نه ترافیک باخیمیندان، نه منظره باخیمیندان، نه ده مئیدان آدی باخیمیندان نیسبتی اولمایان بیر یئرده پیانو اِلمانی‌نین قوراشدیرماسی تبریزین دیندار و اینقیلابی خالقینی ناراحات ائتدی.
ایرج شهین باهرین سؤزلرینه گؤره، بو عملی تؤره‌دنلرین بو ایشه قصداً و یا بیلمه‌یه‌رکدن ال آتماسی آراشدیریلاجاق.
iranwire
