تبریزین کسایی اوتوبانینداکی باش وئرن قضادا ۳ نفر حیاتینی ایتیریب
دوغو آذربایجان اورژانسی‌نین سؤزچوسو تبریزین لاله بؤلگه‌سینده‌کی کسایی اوتوبانیندا توفارقان ایستیقامتینده بِتون‌قاریشدیران یوک ماشی‌نینین پراید ایله توققوشدوغو سونوجوندا ۳ نفرین حیاتینی ایتیردیگینی آچیقلاییب.
وحید شادی‌نیا جوما آخشامی بیر قروپ ژورنالیسته دئییب: ۳ نفرین اؤلومو ایله سونوجلانان بو قضادا یارالانان ۴ نفر ده ایمام رضا خسته‌خاناسینا یئر‌لشدیریلیب.
تبریزلی اوشاق نیل‌آی قدم دزفولی بو قضانین قوربانلاریندان بیری اولوب کی آناسی ایله بیرلیکده اسنپ اویغولاماسی ایله توتدوغو ماشینین یولجوسو ایدی و شوفر ایله بیرلیکده هر اوچو حیاتینی ایتیریب.
تبریزین قئیری-استاندارت کسایی اوتوبانی دفعه‌‌لرله بئله قضالارا شاهد اولوب.
دونیا اؤلکه‌لری آراسیندا ایران یول قضالاری‌نین ایستاتیستیکاسینا گؤره بیرینجی یئرده‌دیر.
داها اؤنجه پولیس قوه‌لری‌نین چئشیدلی کوماندیرلری ایران یوللاریندا تئکنیکی پوزونتولار و یا یئرلی کئیفيتی‌نین آشاغی اولماسی ایله باغلی سوسور، بونون اساس گوناهکاری دؤولت قوروملاری اولان قضالارین سببلرینده یالنیز خالقی گوناهلاندیریردیلار.
