تبریز، اورمیه و زنگاندا اعتراض میتینق‌لرینده اونلارلا اینسان توتوقلاتیب
دونن 26 تیر 1399-جی ایل، جوما آخشامی، ان آزی 10 معترض تبریز شهرینده‌کی آذربایجان جمهورییتی کونسوللوغونون قارشیسیندا توتوقلاناراق حبس ائدیلدی.
دوننکی اعتراضلاردا، «رحیم ساسانیان»، «حکیمه احمدی»، «سعدالله ساسانیان» و «یاسمین ظفری» تبریزده‌کی و «حمید جبارلی» تهرانداکی حبس اولونانلار آراسیندا ایدی.
میتینق، سوسیال مئدیادا آذربایجان و ارمنیستان آراسینداکی سون گرگینلیکده آذربایجان جمهوریییتینه دستک چاغیریشیندان سونرا باش توتدو.
تورکیه بو موناقیشه‌ده آچیق شکیلده آذربایجان جومهوریییتینه دستک وئردی. ایرانداکی تورک فعاللاری، ایران حؤکومتی‌نین روسیه کیمی مؤوقئیی‌نین ارمنیستاندان یانا اولدوغونو و بونا گؤره ده ایرانداکی تورک شهرلرده اعتراض میتینقلری کئچیریلمیشدیر.
کئچمیش سیاسی محبوس و مدنی فعال اولان «رسول رضوی» دونن گون‌اورتادان سونرا تبریز اطلاعات ایداره‌سینه چاغریلدیقدان سونرا توتوقلانیب. «سالار طاهر افشار» عائله‌‌‌سی ایله قیسا بیر تلفون گؤروشونده، اورمیه شهری اطلاعاتینا چاغیریلدیقدان سونرا تهلوکه‌‌‌سیزلیک قوه‌لری طرفیندن توتولدوغونو و بو شهرین مرکزی حبس‌خاناسینا کؤچورولدویونو بیلدیردی.
وطنداش ژورنالیستلری طرفیندن گؤندریلن معلوماتلارا گؤره دونن آخشام اعتراض میتینقیندن ویدئو چکن ایکی وطنداش زنگاندا توتوقلانمیشدیر.
تهران، اردبیل، سولدوز و مراغه شهرلرینده ده داغینیق اعتراض میتینقلرینین اولدوغو بیلدیریلیر.
