هرانانین یازدیغینا گؤره، تئمییز و پرونده‌نین یئنیدن آراشدیریلماسی ایسته‌یی‌نین قبول ائدیلمه‌سیندن سونرا تورک مدنی فعال یاشار نیکرو رشت اینقیلاب محکمه‌‌سی‌نین اوچونجو شؤبه‌سی طرفیندن بیر ایل حبسه محکوم ائدیلیب.

یاشار نیکرونون اتهامی اوزره محکمه‌‌ اوتورومو بو ایل ۲۰ شهریورده رشت اینقیلاب محکمه‌‌سی‌نین اوچونجو شؤبه‌سینده کئچیریلیب. بو ایل مهر آیی‌نین باشیندا جناب نیکرو رشت اینقیلاب محکمه‌‌سی‌نین اوچونجو شؤبه‌سی طرفیندن “رئژیمه قارشی تبلیغات فعالیتی” اتهامی ایله قیابی اولاراق بیر ایل مدتینه آزادلیقدان محروم ائدیلیب.

بو آذربایجانلی تورک فعالین اعتراض عریضه‌سی ایله چیخیشیندان سونرا ۱۸ مهر گونو سؤزوگئدن شؤبه‌ده اونون محکمه‌‌سی کئچیریلیب و او، ۱ ایل مدتینه آزادلیقدان محروم ائدیلیب.

بو قرارلار سون ایللرده اینسان حاقلاری فعالیتلرینه گؤره موحاکیمه‌‌ اولونان و ایران‌دا تورکلرین حوقوقلارینی طلب ائدن آذربایجانلی مدنی و سیاسی فعاللارا قارشی محکمه‌‌ و گوونلیک قوروملاری‌نین تضییقی‌نین داوامی کیمی وئریلیب.