بین‌الخالق علیللر گونو مناسبتیله تبریزده آکسیا کئچیریلدی
۳ دکابر بین‌الخالق علیللر گونو مناسبتیله بیر گروپ علیل تبریزده آکسیا کئچیررک حکومتین اونلارا قارشی لاقید سیاستینه اعتراضلارینی بیلدیریبلر.
بو باره‌ده تبریز علیللر بیرلیینین رهبری رقیه زارعی پایلاشیم ائدیب.
او، حاکمیتین ایشه گؤتورمک، اجتماعی، مدنی و اقتصادی ساحه‌لرده علیللرین وضعیتینی نظره آلمادیغینی دئییب.
زارعی بیلدیریب کی، حتی شهر سالما لایحه‌لرینده ده، علیللرین شرایطی نظره آلینمیر، اونلارین حرکتی اوچون عادی زولاقلار سالینمیر.
