بیله سووار کندلری سو بحرانی ایله اوز اوزه‌دیر
بیله‌سووار فرمانداری دئدی: بیله‌سووار کندلری‌نین سو تامینی اؤزللیکله سون بیر نئچه ایلده‌کی قوراقلیقدان سونرا آجیناجاقلی دورومدادیر.
بیله‌سووار شهری‌نین فرمانداری چارشنبه آخشامی آخشام ژورنالیستلرین توپلانتیسیندا دئییب: بیله‌سووار شهری‌نین کند یئرلرینده سو تجهیزاتی پروبلئمی اؤزللیکله سون بیر نئچه ایلده‌کی قوراقلیقدان سونرا آجیناجاقلی دورومدادیر.
صاحبعلی اصغری دئدی: بو شهرین کندلری‌نین یاریسی ایمام حسن مجتبی سو تجهیزاتی پلانینا داخیل ائدیلیب کی، بو پلانین ایجراسی ایله شهرین ۲۳۴ کندی‌نین هامیسی اعتبارلی و دایمی یئردن سو ایله تامین اولوناجاق.
او، اوچ مین میلیارد ریال اعتبارلا خروسلو سو تجهیزاتی مجموعه‌سی حیاتا کئچیریلدیگینی خاطیرلادیب و دئییب: بو پروژه چرچیوه‌سینده پارس آبادداکی شهید غفاری بندیندن سوتمیزلییجی قورغویا قدر ۶ کیلومتر اوزونلوغوندا سو خطی چکیلیب و شبکه‌نین بیر حیصه‌‌‌سینه سو وورولماقلا جاری ایلین سونونادک توپلام ۲۳۴ کنددن ۱۰۰ کنده سو وئریله‌جک.
بیله‌سووار شهری‌نین فرمانداری سؤزونه داوام ائده‌رک بیلدیریب کی، بیله‌سووار شهرینده اکینچیلیک ساحه‌سینده سو چاتیشمازلیغی بؤحرانی اؤتن ایلدن جدی شکیلده باشلاییب: بیله‌سووار شهری موغان سووارما شبکه‌سی‌نین سونوندا یئرلشیر و هر زامان اکینچیلیک اوچون سو چاتیشمازلیغی و آزالما ایله اوزلشیب.
اصغری موغان سووارما شبکه‌سی‌نین یوزده ۲۳ بو شهرده یئرلشدیگینی دقته چاتدیریب و بئله داوام ائدیب: بو شبکه‌نین سویوندان ان آز فایدا بیله‌سووارا یئتیریر آنجاق اکینچیلیک ساحه‌سینده ان یوکسک ثمره‌‌‌لیک ایسه بیله‌سووار شهری ایله باغلیدیر.
#آذربایجان_خبرلری #سو_بؤحرانی
