بیر ژورنالیست جوما ایمامی نین شیکایتی اساسیندا 6 آی حبسه محکوم ائدیلیب
ایران‌وایره چاتان خبرلره گؤره، حاکم قادرخانی‌نین باشچیلیق ائتدیگی شبستر ایکینجی جینایت محکمه‌‌سی‌نین ۱۰۱-جی شؤبه‌سی صوفیان جوما ایمامی‌نین امیر ساسانی‌یه قارشی شیکایتیندن سونرا ساسانی “بیلگی‌سایار سیستمی واسطه‌‌‌سیله یالان یایماق” اتهامی ایله ۶ آی حبسه محکوم ائدیلیب.
حؤکمده ائله یازیلیب کی٬ مئدیا خالقین اجتماعی طلبینی هایقیرسا، پای ایسته‌مه‌یه محکوم اولاجاق؛ آما ذاتی-عالیلری، کورسونون آرخاسینداکی خالقین آدیندان والی قارشیسیندا آسانلیقلا طلبلر ایره‌لی سوره بیلرسینیزمی؟ امیر ساسانی‌نین جوما ایمامینا خطابا یازدیغی آچیق مکتوبونون بیر حیصه‌سینده دئییلیر کی، بو حاققی سیزه کیم وئریب کی من بو حاققا صاحب اولا بیلمیرم و سیز صاحبسیز؟ و بو سؤزلر یالان یایماق نومونه‌سی کیمی گؤرونور.
محکمه آیریجا دوغو آذربایجان شهیدلر و قاضیلر وقفی‌نین امیر ساسانی‌یه قارشی ایسلامی جینایت قانونونون ۶۳۸-جی ماده‌‌سی‌نین قونوسو اولان تحقیرآمیز ایفاده‌لر ایشله‌ده‌رک توپلومسال عفتی تحقیر ائتمک اتهامی ایله شیکایتینی رد ائدیب و ژورنالیسته براعت قازاندیریب.
#آذربایجان_خبرلری #ژورنالیستلیک_جینایت_دگیل
