بیر قروپ رفورمجویا حبس حؤکمو وئریلدی
بیر سیرا رفورمجو فعال 1398-جی ایلده‌کی اعتراض آکسییالارینی باستیرمایی قینایان بیر آچیقلامایی ایمضالادیقلارینا گؤره حبس جزاسینا محکوم ائدیلدیلر.
مهدی محمودیان توییترده اطلاعات ناظرلیگی‌نین شیکایتی ایله اینقیلاب محکمه‌‌سینده 5 ایل حبس و ایکی ایل اجتماعی فعالیتدن محروم ائدیلدیگینی یازدی.
محمودیان یازیب کی «اوکراین اوچاغینین اینقیلاب کئشیکچیلری راکئتلری ایله وورولماسی‌نین قوربانلاری‌نین خاطیره‌سینه بیر شام یاندیرماق»، چاغیریشیندا ایشتیراک ائتمک اتهامی ایله 4 ایل حبس جزاسینا محکوم ائدیلیب.
بو سیاسی فعال، 1398-جی ایلین آبان اعتراضلاری‌نین باستیریلماسینی قینادیغینا گؤره بیر ایل حبس جزاسینا محکوم ائدیلدی.
«77 نفر آچیقلاماسی» پرونده‌سی اولاراق بیلینن باشقا بیر پرونده‌ده بیر سیرا رفورمجونون وکیلی حجت کرمانی‌ده بو ایفاده‌یه ایمضا آتان 14 نفره حؤکم وئریلدیگینی آچیقلادی.
علی شکوری‌راد، محمدحسین کروبی، محسن آرمین، قربان بهزادیان‌نژاد و صدیقه وسمقی، هر بیری بیر ایل حبس جزاسینا محکوم ائدیلمیش رفورمجونلار آراسیندادیلار.
«77 نفر» آچیقلاماسی اولاراق بیلینن آچیقلاما 1398-جی ایلین آبان آییندا اعتراضچیلارین وورولماسینی «جینایت» آدلاندیراراق، گوناهکارلارین موحاکیمه اولونماسی ایسته‌میشدی.
