بیر قادین قارداشی طرفیندن ناموس مسئله‌سی ندنیله قتله یئتیریلدی
پولیس بو شخصین بیر آیدان چوخ اؤنجه یوخا چیخدیغینی، ایندی اونون جسدی‌نین تاپیلماسی ایله پرونده باشقا مرحله‌‌‌یه قدم قویدوغونو و جنایتین آیرینتیلاری آراشدیریلمالی اولدوغونو بیلدیرمیشدی.
هرانا خبر آژانسی‌نین ایمنایا ایستناداً وئردیگی بیلگیلره گؤره، بو قادینین جسدی حسین‌آباد کندی‌نین اکینچیلیک ساحه‌‌‌لرینده و چلتیک تارلالاریندا آشکار ائدیلیب.
پولیسین وئردیگی بیلگیلره گؤره، ۱۳ و ۶ یاشلی ایکی اوغلان اوشاغی‌نین آناسی اولان ۳۳ یاشلی سارا شادیفرین کیملیگی بللی ائدیلیب و قارداشی طرفیندن اؤلدورولدویو دئییلیر.
بیلگیلی بیر قایناق دئییر: سارا مستقل ایدی. او، اؤز ائوینده یاشاییردی و وارلیقلارینی دلارا چئویردیکدن سونرا ایرانی ترک ائتمیی پلانلاشدیریردی، آنجاق قارداشی ایله پول ديیشمه‌یه گئتدیگی گون قارداشی طرفیندن بوینوندا شاللا بوغولاراق اؤلدورولوب.
سارانین قارداشی اعترافیندا بیلدیریب کی، باجیسی دلار آلماق اوچون ماشیندان دوشنده اونون تلفونونا گلن بعضی مئساژلاری اوخویوب و حیات طرزینه گؤره اونو بیر آنلیق غضبدن اؤتورو بوغوب، و بیر نئچه ساعت سونرا ایسه حسین‌آباد کندیدنده دفن ائدیب و آملا گئری دؤنوب.
ایستاتیستیکا گؤستریر کی، ان چوخ ناموس قتللری خوزیستان، کوردوستان، کیرمانشاه، ایلام، لوریستان، سیستان و بلوجیستان، فارس، دوغو آذربایجان و اردبیل ایالتلرینده باش وئریر. طبیعی کی، اؤلکه‌نین باشقا ایالتلرینده ده قتللر قئیده آلینیر، لاکین بونونلا باغلی دقیق ایستاتیستیکا یوخدور.
#ایران_خبرلری #قادین_حوقوقلاری #قادینلار
