بیر سیرا تورک مدنی فعال ساوالان داغینا گئدرکن بیر نئچه ساعتلیق حبس ائدیلیبلر
۲۴ تیر ۱۴۰۳-ده کاظم صفابخش، سیامک سیفی، سامان بیدار، سالار مهدی‌پور و… آدلی بیر سیرا تورک مدنی فعال ساوالان داغینا گئدرکن شابیل ایستی سو بؤلگه‌سینده حبس اولونوبلار.
حبس ائدیلن فعاللاردان جناب صفابخش، سیفی، بیدار و مهدی‌پور گوونلیک گوجلری طرفیندن خیاو (مشگین شهر) اماکن شؤبه‌سینه آپاریلیب و تخمیناً ۴ ساعتلیق سورغو-سؤالدان سونرا قئید شرطسیز سربست بوراخیلیبلار.
سون زامانلاردا تورک مدنی فعالارا قارشی حبس، تهدیدلر و چاغیریشلارین آرتماسی ایله یاناشی اوین و تبریز حبس‌خاناسیندا اولان بعضی محبوسلار آغیر خسته‌لیکلرینه باخمایاراق طبی درمان آلماقدان محروم ائدیلیبلر.
سون زامانلاردا دا اوین حبس‌خاناسیندا حبسده اولان تورک وکیل طاهر نقوی حکیمین اونون اورک موعاینه‌‌سی و قان تضییقی و تیروئید دورومو ایله باغلی آنالیزلر و تؤوصیه‌‌‌لرینه باخمایاراق، لازیمی طبی یاردیمدان محروم ائدیلیب.
Iranwire
