بیر اؤیرنجی‌نین آناسی اوشاغینی اوخولا یازدیرماق اوچون صینیف اوتاقلارینی تمیزله‌ییب
بیلدیریلر کی، بونا سبب اؤیرنجی‌نین آناسی‌نین اؤولادی‌نین یازدیریلماسی اوچون اوخولدان ایسته‌نیلن پولو اؤده‌یه بیلمه‌مه‌سیدیر.
۲۳ مهرده ژورنالیست سعید یقینی اینستاگرام حسابیندا بو خبری آچیقلاییب و یازیب کی، بیر آنا اونا اوغلونو قودس شهرینده یئرلشن دؤولت اوخولونا یازدیرماق اوچون گئتدیگینی آنجاق اونو پولو اولمادیغی اوچون بوتون صینیف اوتاغینی تمیزله‌مه‌یه مجبور ائدیبلر.
یقینی یازیب: “شیکایت ائتمه‌ییب. اونون الی هئچ یئرده باغلی دئییل. او دئدی کی، ایکی ایل قاچدیم کی، اوغلوم یئنیدن اوخولا گئتسین. اوشاغیمین منه گؤره مکتبدن قووولماسینی ایستمیرم”.
تهران ایالتی‌نین ائیتیم اوزره باش مودیری مسعود بهرامی بو خبره تپکی اولاراق دئییب: “بیز مسئله‌نی آراشدیریریق. انشالاه، تام بیلگی وئریله‌جک”.
ایران ایسلام جمهورییتی آنایاساسی‌نین ۳۰-جو ماده‌‌سینه اساساً، حؤکومت لیسه‌نی بیتیرنه قدر بوتون اینسانلارا پولسوز ائیتیم وئرمه‌لیدیر.
ایران ایستاتیستیکا مرکزی بو ایل ۱۱ مهرده اؤلکه‌ده ائیتیمدن قالانلارین سایی‌نین آرتدیغینی آچیقلاییب و یازیب کی، ۱۴۰۱-۱۴۰۲-جی ایل ائیتیم ایلینده ان آزی ۹۲۹ مین ۷۹۸ نفر ائیتیمدن قالیب.
